لاہور۔ 24اپریل (اے پی پی) وزیراعظم محمد شہباز شریف ترکیہ نا صدر رجب طیب اردوان تون ٹیل فون آ رابطہ کرے و ترکیہ نا حکومت، سرکڑدہ و الس ءِ چنکا عئید انا مبارکبادی تس۔ وزیراعظم آفس نا پریس ونگ انا رداٹ وزیراعظم سویل دے ٹکی ترکیہ ٹی 6 فروری نا زمی جمب آن زہمی تیکن دعا ہم کرے و بحالی و پوسکن تفنگ نا ریسہ غاتیٹی ترکیہ تون سلنگ نا پاکستان نا عزم انا درشانی ءِ کرے۔ صدر اردوان وزیراعظم ءِ عئید انا مبارکبادی نا گرم جوشی اٹ ورندی ءِ تس و پاکستانی الس کن تینا خصوصی ایلمی جوزہ و پیار انا درشانی ءِ کرے۔ ترک صدر زمی جمب اٹی مشکل نا ساہت اٹی اوفتے تون سلنگ آ پاکستانی الس و حکومت نا منت واری ءِ ہرفے و کلہو تس کہ او پاکستان نا کمک و کمک ءِ اسُل است آن دپک۔ ترک صدر زمی جمب آن پد وزیراعظم نا دورہ ءِ ترکیہ نا ہم ستاءِ کرساپارے کہ پاکستان ہرا کماشی نا درشانی ءِ کرے اودے مدام یات تخنہ۔
