لاہور۔ 24 اپریل (اے پی پی) وزیراعظم محمد شہباز شریف پاک فوج، پاک فضائیہ و پاک بحریہ نا سروک آتے ٹیل فون آ عئید انا مبارکبادی تس و نیک است خواہی تا درشانی ءِ کرینے۔ وزیراعظم پریس ونگ انا رداٹ وزیراعظم شہباز شریف چیئرمین جوائنٹ چیفس آف اسٹاف کمیٹی جنرل ساحر شمشاد مرزا ءِ ٹیل فون کرے و عئید انا مبارکبادی تس۔ وزیراعظم چیف آف آرمی اسٹاف جنرل سید عاصم منیر ، فضائیہ نا سروک ایئر چیف مارشل ظہیر احمد بابر سندھو و بحریہ نا سروک ایڈمرل محمد امجد خان نیازی ءِ ہم فون کرے و چنکا عئید انا مبارکبادی ترسا پارے کہ پاکستانی قوم تینا فوج آ گمر کیک۔ پاکستانی قوم تیان سیم تیا ساڑی محافظ آتا سوب آن امن و سکون اٹ عئید انا خوشی تے اڈتننگ اٹی ءُ۔ اوپارے کہ کنتون اوار مچ آ قوم پاکستان نا دا نرزور و فرض شناس ورناتے خراج تحسین پیش کیک۔
