اسلام آباد۔ 24 اپریل (اے پی پی) صدر مملکت ڈاکٹر عارف علوی چنکا عئید انا نماز ءِ بنجائی دارالحکومت اسلام آباد نا فیصل مسجد اٹی خوانا۔ داوخت آ اسلام آباد اٹی متعین اسلامی  ملک آتا سفیر، سیاسی راہشون، بڑزکو سرکاری کمامدار و سرکڑدہ  شار اتون اوار ہزار آ اسلام نا فرزند آک ہم صدر مملکت تون اوار فیصل مسجد اٹی عئید انا نماز ءِ خوانار۔ صدر مملکت عئید انا نماز ءِ خواننگ آن پد مخلوق تون ملا و اوفتے تون عئید ملا۔ مچ آ ملک اٹی چنکا عئید (اینو) مذہبی شان وشرف و روایتی جوش و جوزہ اتون اڈتننگ انگ ءِ۔ داوخت آ اسلام آباد نا فیصل مسجد، ملک انا ایلو مسیت و عئید گاہ تیٹی مروک آ عئید انا نماز آتا اجتماع تیٹی ملک انا سلامتی ، شونداری، شونہالی و بھارت نا غیرکانودی وڑاٹ کوزہ ٹی جموں و کشمیر و فلسطین نا آجوئی کن خصوصی دعاخواہنگا۔

متعلقہ مضامینمصنف کی طرف سے مزید