طورخم اٹی لینڈ سلائیڈنگ نا ہند آ ریلیف و ریسکیو آپریشن پورو، غٹ 8 بندغ آتا لاش آتے کشنگانے، ترجمان ڈپٹی کمشنر آفس

پشاور۔ 23 اپریل (اے پی پی) طورخم اٹی لینڈسلائیڈنگ نا ہند آ ریلیف و ریسکیو آپریشن ءِ پورو کننگانے، و غٹ 8 بندغ آتا لاش آتے کشنگانے۔ ڈپٹی کمشنر خیبر آفس نا ترجمان اے پی پی ءِ پارے کہ طورخم نا لینڈ سلائیڈنگ نا ہند آ ریلیف و ریسکیو آپریشن ءِ پورو کننگانے۔ اوپارے کہ 8لاش و چار ٹھپی تے کشنگانے۔ زوال کروک آ بندغ آتا لاش آتے اوفتا خواجہ غاتا دوٹی تننگانے۔ اوپارے کہ لینڈ سلائیڈنگ نا کیرغ آ اختہ 20 ٹرک و 13 کنٹینر آتے ہم کشنگانے۔ ترجمان پارے کہ پاکستان آرمی نا انجینئر، ریسکیو 1122، پشاور ڈویلپمنٹ اتھارٹی، خیبر انتظامیہ و ایلو کمکی ادارہ غاک ریلیف و ریسکیو آپریشن اٹی بشخ ہلکر۔ اوپیدوار کرے کہ اوغانستان آن لوڈرآتون اوار مشینری کِراٹی ہلنگاسس، طورخم آ واپاری کسر و سڑک ءِ مہالو آن ٹریفک کن ملنگانے۔ قبائلی سرکڑدہ و ٹرانسپورٹر آک طورخم آ ریسکیو و ریلیف آپریشن نا وخت آ پوروی آ پاک فوج و ریسکیو ورکرآتا منت واری  ءِ ہرفینو۔