چنکا عئید انا دے غٹ مسلمان تیکن خوشی تا کلہو اتیک، میر چنگیزخان جمالی

کوئٹہ۔ 23اپریل (اے پی پی) پی پی پی بلوچستان نا صوبائی صدر میر چنگیز خان جمالی عئید انا ارٹ میکو دے ڈل اتون گپ وتران کرسا پارے کہ روچہ مبارک  آن پد چنکا عئید تینا پرہیز گار و نیک بندغ آتیکن اللہ تعالیٰ نا کنڈآن اسہ انعام اسے ہرا مچ آ تُو تزکیہ نفس  کرسا اللہ تعالیٰ نا رضا و خوشنودی کن روچہ تخرہ و عبادت آتا خاص اہتمام ءِ کیرہ، چنکا عئید انا دے غٹ مسلمان تیکن خوشی تا کلہو اتیک و دادے اللہ تعالیٰ تینا پرہیزگار و عبادت گزار بندغ آتیان خوش مرسا اوفتا غٹ دعاتے قبول کیک  او تینا عبادت آتیٹی ملکی سوگوی، شونداری، شونہالی و امن کن خصوصی دعا تا اہتمام ءِ کیر و دامبارک دے انا وخت ا غریب، مسکین و لاچار مخلوق ءِ ہم تینا خوشی تیٹی اوار کیر عئید انادے داہیت انا خواست کیک کہ نن تینا خوشی تیٹی ہموبندغ آتے ہم اوار کین ہرا دادے ءِ اڈتننگ نا وس تخپسہ۔ اوپارے کہ اینو نادے نن تینا ہمو سیکورٹی کارندہ و شاری تا قربانی تے خراج عقیدت ہم پیش کین ہرافک لمہ وطن نا رکھ اکن تینا جون تے ندر کریر۔ اودعاکرے کہ اللہ تعالیٰ ننا ملکءِ رکھے و مچ آ مسلم امہ ءِ سیوت و یکجہتی عطاکے و دشمن تا ناپاک عزم آتے بے سہب کے۔