اسلام آباد۔ 22 اپریل (اے پی پی) اسپیکر قومی اسمبلی راجہ پرویز اشرف ترکیہ ٹی رہینگوک آ غٹ ایڑھ ایلم تے عئید انا مبارکبادی ترسا پارینے کہ دعاءِ کہ دا مبارک وخت آ اللہ تعالیٰ ننا عبادت آتے قبول کے، و تینا رحمت آتے نازل کرسا ہڑتوم آملک آتے مون تروک مشکل آتیٹی کمتی ودی کے۔ اسپیکر قومی اسمبلی راجہ پرویز اشرف ہفتہ نادے آ ترکیہ نا اسپیکر مصطفیٰ سینتوپ ءِ ٹیل فون کرے و اودے چنکا عئید انا مبارکبادی تس۔ اسپیکر قومی اسمبلی پارے کہ ای تینا و غٹ پاکستانی تا کنڈآن نے و ترکیہ ٹی رہینگوک آ غٹ ایڑھ ایلم تے دلی عئید مبارکبادی پیش کیوہ، دعاءِ کہ دا مبارک وخت آ اللہ تعالیٰ ننا عبادت آتے قبول کے و تینا رحمت آتے نازل کرسا ہڑتوم آملک آتے مون تروک مشکل آتیٹی کمتی ودی کے۔ اوپارے کہ پاکستان و اونا پارلیمان دا مشکل وخت اٹی تینا ترک ایڑھ ایلم تتون سلوک ءِ و زمی جمب آن زہمی تینا ایڑھ ایلم تا کمک اٹ پیش پیش ءُ۔
