ملک مستر ءَ گوں ائید ءِ موہ ءَ سفارتکاراں ہوار زندءِ ایندگہ بازیں تک ء ُ پھناتاں چہ سیادی داروکیں مردماں گوں گندء ُ نند

اسلام آباد۔22اپریل  (اے پی پی): ملک مستر ڈاکٹر عارف علوی ءَ گوں ائید ءِ موہ ءَ سفارتکاراں ہوار  زندءِ ایندگہ بازیں تک ء ُ پھناتاں چہ سیادی داروکیں مردماں ایوان صدرءَ گندء ُنندکتگ۔ اسلام آبادءَ  استیں بازیں ملک آنی سفیر، مزن گسءِ باسک، سول سوسائٹی ءِ مردماں گوں حانداناں شمبےءِ روچءَ ایوان صدر ءَ ائید ملن مراگش ءَ ملک مسترءَگوں  گندء ُنندکتگء ُ آئی ءَ را  ائید ءِ مرادبات داتگ۔ اولی زالبول بانک بیگم ثمینہ عارف علوی ہم اے موہ ءَ ساڑی بوتگ۔ ملک                                        مسترءَ ایوان صدرءَ مہماناناں وش اَتک کتگ، ڈاکٹر عارف علو ی ءَ گوں ائیدءِ موہ ءَ گندء ُنند کنوکیں درملکی سفارت کاراں  ملک  مسترء ُ اولی زالبول ءَ را ائیدءِ مراد بات داتگء ُ آئیءِ گوما عکس ہم کش اِتگ۔ ائید ءِ اے مراگشءَ  زندءِ  بازیں تک ء ُ پھناتاں چہ سیادی د اروکیں مردم ہوار بوتگ اَنت۔ ائید ءِ موہ ءَ ایوان صدر ءَ اتکگیں ایندگہ مہماناناں ہم ملک مستر ڈاکٹر عارف علوی ءِ گوما عکس کش اِتگ۔ ایوان صدر  آیوکیں مہماناں  شیرکینیء ُ ایندگہ وردن ء ُ وراک دعوت ءَ دیئگ بوتگ ۔