مزن وزیر محمد شہباز شریف ءِ صدر جب طیب اردوان ءَ را   ائیدءِ مراد، ترکیہ ءِ گوما  ہم کوپگ بوہگءِ  پاکستانءِ جزم ءِ درشانی کتگ

لاہور۔۔22اپریل  (اے پی پی): مزن وزیر محمد شہبازشریف ءَ ترکیہ ءِ صدر رجب طیب ایردوان ءَ گوں ٹیلی فون ءِ سرءَ گپ  کتگ ء ُ ترکیہ ءِ حکومت،   سروک ء ُ اُلس ءَرا ائید ءِ مراد بات داتگ۔ مزن وزیر کارگسءِ پریس ونگ ءِ ردءَ مزن وزیر ءَ جنوبی مشرقی ترکیہ ءَ 6 فروری ءِ زمین چنڈ ءِ آماچیں مردمانی ھاترءَ دعا ہم کتگء ُ بحالی ءِ  تہا ترکیہ ءِ گوما ہم کوپگ بوہگءِ  پاکستان ءِ جزم ءِ درشانی کتگ۔ صدر ایردوان ءَ مز ن وزیرءِ  ائید ءِ مراد باتی ءِ گوں جوشء ُ جزبگءَ پسو داتگء ُ پاکستانی اُلس ءِ ھاترءَ وتی حاسیں براتیں جزبگ ء ُ مہرءِ درشانی کتگ۔ ترک صدر ءَ زمین چنڈءِ وہدءَ  گرانیں ساہتءَ آئی ءِ گوما ہم کوپگ بوہگءَ پاکستان اُلس ء ُ حکومتء شکرء ُ منت گپتگ ء ُ کلوہ داتگ کہ آ پاکستان ءِ کمک ءُ ہمراہ داری ءَ را کدی ءَ  شموشت ناکنت۔ ترک صدر ءَ زمین چنڈ ءَپد مزن وزیر ءِ ترکیہ ءِ ترء ُتاب ءَ را ساڑاتگ ء ُ گشتگ کہ پاکستان ءَ  ہمراہ داری کتگ اے کدی ہم شموشگ نابیت۔ آئی ءَ درائیں حاسیں دمگی ء ُ میاں اوستمانی جیڑہ ءِ سرءَ یکے دومی ءِ گوما نزیکی کنگءِ جزم ءِ  درشانی کتگ۔ مزن وزیرءَ صدر ایردوآن ءَ را پاکستان ءِ  ترء ُتاب کنگءِ دعوت ہم داتگ کہ آئی ءَ   قبول کتگ۔