دمشق۔ 21مئی (اے پی پی) شام انا صوبہ دیر الزور نا اِرا علاقہ غاتیا داعش دہشت گرد آتا جلہو اٹی ہفتاد ئُ ہفت بندغ تپاخت و ٹھپی مسر۔ یک شنبے نا دے ذرائع ابلاغ شام انا فوجی ذرائع نا بابت پارے کہ عراق اتون ایب وکیب شام انا سیمی صوبہ دیر الزورنا ہرابش و الجورہ پنی ئُ علاقہ سے آ داعش دہشت گرد آک مارٹر جلہو کریر ہرافتے ٹی دا محلہ غاتا پانزدہ لس شاری تپاخت و شست ئُ سہ پین ٹھپی مسر ۔ شام انا ہسپتال نا ذرائع پارے کہ گڑاس ٹھپی تا حالیت نازرک ئِ و کہوک آتا کچ اٹی ودکی مننگ کیک۔ تکفیری داعش دہشت گردآک پنچ شنبے نا دے ہم صوبہ حماہ نا سویل دے ٹک اٹی عقارب الصافیہ پنی ئُ خلق اسے آ جلہو کریسر ہراٹی سی ئُ چار بندغ و اسہ سد ئُ بیست ئُ چار پین ٹھپی مسوسر۔
