اسلام آباد۔ 22 اپریل (اے پی پی) وزیراعظم محمد شہباز شریف چنکا عئید انا خوشی تا وخت آ پاکستان تون اوار غٹ عالم اسلام ءِ مبارکبادی پیش کرسا پارینے کہ صاحب ثروت نا ایثار و مہرومریبت نا عام حالیت آتیان زیات گرج ءِ ہمو غٹ ءِ عئید انا خوشی تیٹی شریک کین ہرامشکل آتا گواچی ءُ، سیوتی حکومت نا پدریسہ کوشست مسنے کہ مون تروک زرگزرانی مشکل آتاکم آن کم بھاریم الس اسکان سرمرے، نن ہرممکن حد اسکان ریلیف الس اسکان سرکننگ نا جہد کننگ اُن۔ جمعہ نادے آ او چنکا عئید انا وخت آ پاکستان تون اوار مچ آ امت مسلمہ ءِ مبارکبادی نا کلہو اٹی پارے کہ چنکا عئید اناخوشی تا وخت پاکستان تون اوار غٹ عالم اسلام ءِ مبارکبادی پیش کیوہ، کنا دعا ءِ کہ دا مبارک آ ساہت ننا غٹ انا زند اٹی ڈھیر خوشی و مسرت اتے۔
