اسلام آباد۔ 24 مارچ (اے پی پی) قومی ادارہ جان جوڑی (این آئی ایچ ) پارینے کہ مچ آ ملک اٹی 24 گھنٹہ ٹی کورونا دین انا 150 کیس رپورٹ مس ہرافتیان 22 ناجوڑآتا حالیت نازرک ءِ وخت اس کہ اسہ بندغ اس زوال کرے۔ جمعہ نادے آ این آئی ایچ نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 4 ہزار 194 ٹیسٹ کننگا ہرافتیان 150 بندغ آتا ٹیسٹ مثبت بس ہنداوڑ مثبت کیس آتا کچ 3.58 درسد ئس و داوخت آ کورونا دین آن اسہ ناجوڑ اس زوال کرے وخت اس کہ 22 نا حالیت نازرک ءِ ۔ ملک انا چندی شار تیٹی تدوک آ 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 452 آن 31 بندغ آتا ٹیسٹ مثبت بس و ہموڑے مثبت کیس آتا کچ 6.86 درسد ئس، ہندا وڑ اسلام آباد اٹی 270 آن 11 بندغ آتا ٹیسٹ مثبت بس و کچ 4.07 درسد ئس، ملتان اٹی 105 بندغ آتیان 6 ٹیسٹ مثبت بس و ہموڑے کچ 5.71 درسد ئس وخت اس کہ بہاولپور اٹی 102 بندغ آن 2 نا ٹیسٹ مثبت بس وہموڑے مثبت کیس آتا کچ 1.96 درسد ئس۔
