اسلام آباد۔ 24 مارچ (اے پی پی) بینک دولت پاکستان حج انا خواہش مند بندغ آتے درخواست فارم آتون حج 2023ء نا واجبات آتے جمع کننگ اٹ آسراتی تننگ نا غرض اٹ 14 مجاز بینک آتے مچ آملک اٹی تینا پندار برانچ آتے ہفتہ و یک شنبے نادے سہب انا 9 بجہ غان پیشیم نا 2 بجہ اسکان یلہ تخنگ نا پارت کرینے۔ سٹیٹ بینک انا رداٹ داکان مست حج پالیسی 2023ء نا رداٹ وزارت مذہبی امور و بین المذاہب ہم آہنگی 14 بینک (نیشنل بینک آف پاکستان، حبیب بینک، یونائیٹیڈ بینک، ایم سی بی بینک، الائیڈ بینک ، بینک آف پنجاب، بینک الفلاح ، زرعی شونداری بینک، فیصل بینک، عسکری بینک، بین الحبیب، حبیب میٹرو پولیٹن بینک، سونیری بینک و میزان بینک) ءِ مچ آ ملک اٹی حج انا خواہش مند بندغ آتیان 16 مارچ 2023ء آن 31 مارچ 2023 ء اسکان درخواست آتے فارم آتون واجبات آتا وصول کننگ نا موکل تسنے۔
