اسلام آباد۔23مارچ (اے پی پی): مزن وزیر محمد شہباز شریف ءَ گوشت کہ راج مرچی پاکستان ءِ جوڑیشت کار آناں آوانی سیاسی شاہوکاری ءُ جتا ئیں وطن ءِ واستہ بے درورئیں جہد ءُ کوشست کنگ ءِ پد ءَ توسیپ ءُ ستا پیش کنت۔ پنچ شمبے ءِ روچ ءَ یوم ءِ پاکستان ءِ موہ ءَ وتی ٹویٹ ءَ مزن وزیر ءَ گوشت کہ اے گپ یات انت کہ تورئی ھرچ وڑیں جیڈھ بہ بیت، بنی آدیم بے بوتگیں آناں در جنگ ءِ ازم ءُ بالاد ءَ دار ائیت۔ آئی ءَ گوشگت کہ زندگیں راج وتی کار کرد ءَ را آئیڈیل ءَ گوں چکاسنگ کنت انت ءُ وت ءَ را چار انت۔ اے آوانی وت پجاروکی ءُ کیاسگری ءِ کار رپک انت۔ مزن وزیر ءَ گوشت کہ سکیں ساھت آناں شکست دیگ ءِ واستہ پاکستان ءِ اکس ءِ سر ءَ منی پکوئیں یکیم انت۔ بیا ات مرچی 23 مارچ ءَ ما راج ءِ ازمت ءِ جوزگ ءَ را آگاہ کناں۔
