اسلام آباد۔23مارچ (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ گوشتگ کہ الیکشن کمیشن ءِ پیسلہ پاکستان ءِ سیت ءَ انت۔ الیکشن کمیشن ءَ معاشی، سیاسی ءُ سیکورٹی جاور ھال آنی رد ءَ پیسلہ کتگ، کانود ءِ آرٹیکل 218 ءِ چیر دستی ءَ الیکشن کمیشن ءَ را دل یکیمی جو ڑ کنگ انت، ساپ ءُ سلہ ایں گچین کاری بہ بنت، آرٹیکل 224 ءِ لوٹ انت کہ گچین کاری ءِ وھد بنجاہ ءُ صوبائی بن ھشت آنی نگرانیں حکومت جوڑ بہ بنت۔ پنچ شمبے ءِ روچ ءَ وتی بیان ءَ بنجاھی وزیر مریم اورنگزیب ءَ گوشت کہ الیکشن کمیش ءَ توامیں سٹیک ہولڈرز آں گوں شور ءُ مشور ءَ چہ پد اے پیسلہ کتگ، الیکشن کمیشن ءِ پیسلہ ءَ چہ ملک ءَ سیاسی برجائی ءِ زامنی رسیت۔ لستیں گپ نہ وشیں بوتگ۔ یک مردمے ءِ کسد ءُ کینگ ءِ سبب ءَ دو صوبگ آنی تہ ءَ الیکشن پہ زور ءُ کسداَ کنگ بوھگ ءَ انت۔
