کوئٹہ۔ 10 مارچ (اے پی پی) ترجمان محکمہ تعلیم نا جاری کروک اسہ بیان اسے نا رداٹ وزیراعلیٰ بلوچستان میر عبدالقدوس بزنجو و چیف سیکرٹری بلوچستان عبدالعزیز عقیلی بلوچستان اٹی تعلیم نا گچینی کن و بیروزگاری نا چٹفنگ کن گچین ءُ فیصلہ اس کریر داڑتون اوار اوار بھرتی تا شفافیت کن و تعیناتی تے میرٹ آ کننگ کن غٹ گڑاتے آن لائن کننگ نا پارت ہم تسر ہرادے مون آ تخسا غٹ آن مست رجسٹریشن ءِ، اوکان پد سلپ و رول نمبر سلپ تون اوار غٹ نتیجہ غاتا آن لائن کننگ ءِ تانکہ شفافیت ءِ ہرحال اٹ پک کننگ کیر ہرادے مون آ تخسا میرٹ ءِ بھلو حد اسسکان پک کننگک اگہ ہیت کننگے پاکستان نا تو پاکستان نا غٹ آن پسماندہ و کم خواندہ صوبہ بلوچستان ءِ ہراڑے خواندگی ایلو صوبہ غاتیا ن کم ءِ ہندا وڑ ہراتم پرائمری ، مڈل اسکول آتا ہیت ءِ کننگے تو ہزار آ اسکول آک نان فنکشنل ءُ و ہزار آ پرائمری اسکول آتیٹی بیرہ اسہ استاد اس فرض سرتننگ ءِ استاد آتا کمتی نا سوب آن تعلیم نا آب بلوچستان اٹی ہمووڑ اف ہراوڑ ایس ڈی جی طے کننگانے گوکہ وسیلہ، وسیع و عریض آ تالان جغرافیہ، حالیت آتون اوار کیہی پین ویل ہم ارے ولے استاد آتا کمتی غٹ آن بھلا سوب ءِ دا کمتی ءِ پورو کننگ کن حکومت بلوچستان اولیکو وار یونین کونسل لیول آ بھرتی کننگ نا فیصلہ کرے دانا غٹ آن بھلا سوب استاد آتا حاضری ءِ پک کننگ تون اوار اوار ہرلیول آ استاد آتا کمتی ءِ پورو کننگ و تعلیم ءِ ہر چنانا درگہ اسکان سرکننگ ءِ مچ آ بلوچستان اٹی ہراڑے ہراڑے استاد آتا کمتی ئسک اودے پورو کننگ انگ ءِ کابینہ نا دا اسیجائی فیصلہ ءِ کہ زوت آن زوت ہراسکول ءِ فنکشنل کننگ ءِ و ہرحال اٹ استاد آتا کمتی ءِ پورو کننگ ءِ ہراڑے اسہ کنڈا استاد آتا کمتی پور و مریک ہموڑے ایلو کنڈا ہزار آ بے روزگار ورناتے روزگار ملک و اوفتا اُرانا چولہا ہم لگسا کیک ترجمان پارے کہ کس اس بے گرج اڑاند ودی کننگ نا کوشست کرے تو اوڑتون سختی اٹ مون تننگک استاد آتا تعیناتی ٹی پورو وڑاٹ میرٹ ءِ ملحوظ خاطر تخنگک ہر ضلع نا بھرتی کن ہمو ضلع ٹی ہنسا ٹیسٹ ہلنگک میرٹ ناشفافیت کن حکومت بلوچستان نا کم آن کم اسہ سیکرٹری اس ہرضلع غا ہنسا غٹ عمل ءِ سپروئز کیک وزیراعلیٰ بلوچستان میر عبدالقدوس بزنجو و چیف سیکرٹری عبدالعزیز عقیلی نا سخت پارت آک ءُ کہ محکمہ تعلیم اٹی و خاص وڑاٹ ٹیچنگ آسامی تیٹی ہچ ءُ حالیت اسے ٹی اسہ فیصلہ اس ہم میرٹ آن اینک کروئی اف دا ننا چین نا فیصلہ ءِ۔
