خاران، کمشنر رخشان ڈویژن نا کماشی ٹی مردم شماری نا بابت دیوان

خاران۔ 10 مارچ (اے پی پی) کمشنر رخشان ڈویژن طارق الرحمان بلوچ تون کمشنر آفس خاران اٹی ڈویژنل کوآرڈی نیٹر شماریات رخشان ڈویژن آدم احمد اوڑدہی کرے۔ داوخت آ اسسٹنٹ کمشنر خاران امتیاز محفوظ بلوچ ہم ساڑی ئسک۔ شماریات کوآرڈی نیٹر کمشنررخشان ءِ رخشان ڈویژن نا ہرچار آ ضلع خاران، نوشکی، چاغی، واشک اٹی ڈیجیٹل خانہ و مردم شماری نا بابت پراگریس رپورٹ اس پیش کرے۔ خانہ شماری نا کاریم و بلاک آتا بابت حوال تس۔ کمشنر رخشان ڈویژن طارق الرحمان بلوچ برجاکاریم آ است جمی نا درشانی  ءِ کرسا پارے کہ ہفت می ڈیجیٹل خانہ و مردم شماری نا بھلو اہمیت اسے مردم شماری نا غٹ اسٹاف و شمارکندگان آتے پورو خواری و لگن اٹ کاریم کیر اسہ اُرا و اسہ بندغ اس ہم خانہ و مردم شماری ٹی رہینگپ۔ کمشنر رخشان  پارے کہ ڈویژنل کوآرڈی نیٹر شماریات ءِ پارت کرے کہ رخشان ڈویژن نا ہر چار آ ضلع غاتیٹی مردم شماری کنٹرول روم ءِ پورو فعال تخنگے جاگہ اس اسٹاف یا شمار کروک آتا ویل اس مون تروک مرے تو وخت آ اودے ایسر کننگے۔