لاہور۔ 09 مارچ (اے پی پی) وزیراعظم نا سلاہکار امور کشمیر و گلگت بلتستان قمرزمان کائرہ پارینے کہ سائنسی تعلیم ملکی شونداری ٹی اہم ءُ کڑد اس ادا کننگ کیک، تعلیم ہی راج اسے نا تہذیب وتمدن ءِ تالان کیک۔ داخیال آتا درشانی ءِ او پنچ شنبے نادے آ داڑے ایف سی کالج اٹی سائنس فیئر نا دود آن تران و میڈیا تون گپ وتران کرسا کرے۔ قمر زمان کائرہ پارے کہ سائنسی علم اٹی خواری کروک آقومک اینو شونداری نا رُمب اٹی بھاز مون آٹو، سائنس نا شونداری آن ذہنی سوچ اٹی بدلی ودی مس، پاکستان نا اینو غٹ آن بھلا ویل دادے کہ نن سائنس نا شونداری ٹی بھاز پدی اُن، سائنس ویل آتا ایسر اس ایتک، ہر گڑاءِ ذہن و سائنس نا پیمانہ غان ناپ کننگ آن ہی سرسہبی ممکن ءِ۔ داوخت آ ریکٹر ایف سی کالج جوناتھن اڈیلٹن ، چیئرمین لاہور تعلیمی بورڈ مرزاحبیب علی، فیکلٹی ممبران و طالب علم آتا بھلو کچ اس ساڑی ئسر۔ دود آن پد میڈیا تون گپ وتران کرسا قمر زمان کائرہ پارے کہ کشاری ملک اس مننگ آن پد ہم نن خولم پیشن آن خواہفنگ اُن۔ پاکستان داوخت آ چندی ویل آتا گواچی ءِ، اپوزیشن نا کنڈآن ملک ڈیفالٹ مننگ نا شئیر ءِ خلنگ آن مخلوق اٹ بے اومیتی ودی مریک۔
