اسلام آباد۔9مارچ (اے پی پی): حزانگ ءِ بنجاہی وزیر سینیٹر محمد اسحاق ڈارءَ گشتگ کہ میاں اوستمانی مالیاتی ادارگ ( آئی ایم ایف) ءِ گوما لھتیں روچانی تہا منء ُ گر کنگ بیت، گوستگیں حکومت ءِ سوب ءَ میاں اوستمانی ادارگ ء ُ پاکستان ءِ نیام ءَ اوست ءِ کمی بوتگ، ما گوستگیں حکومت ءِ میاں اوستمانی ادارگانی گوما کتگیں سوگنداں پیلو کناں۔ پنچ شمبے ءِ روچءَ پبلک فنانشل منیجمنٹ ءِ وسیلگءَ چہ معاشی بحالی ءِ سرحال ءِ سرءَ سیمینار ءَگوں تران کتگء ُ حزانگءِ وزیر ءَ گشتگ کہ گوستگیں سالانی تہا کتگیں معاشی بے انتظامی ءِ سوب ءَ 2013 ءَچہ 2018 ءَ حاصل کتگیں دیمروئی ءَرا سرجمی ءَ ریورس گیئر لگ اِتگ۔ آئیءَ گشتگک کہ 2016 ء ُ 2017 ءِ تہاملکی معیشت دنیاءَ 24 می نمبر ءِ سرءَ بوتگ، میاں اوستمانی ایجنسی ءَ پیش گوئی کتگ کہ 2030 ءَ تاں پاکستان جی ۔ 20 ملک آں ہوار بیت۔ آئی ءَ گشتگ کہ من ءَ اے گشگ ءَباز تکلیف بوہگ ءَ اِنت کہ 2022 ءَ پاکستان دنیاءِ معاشی لڑ ءِ تہا 47 می نمبر ءَ اَتکگ۔ حزانگءِ وزیر ءَ گشتگ کہ اے جاورھال ءِ سرءَ مارا ھیال کنگ لوٹ ایت۔ حزانگ ءِ بنجاہی وزیر اسحٰق ڈار ءَ گشتگ کہ آئی ایم ایف ءِ اے پروگرام ءَرا وتی زانت کاری آنی ردءَ سرجم کنگءِ جزم کتگ۔ آئی ایم ایف ءَ گوں کتگیں سوگنداں پیلو کناں، آئی ایم ایف ءَگوں لھتیں روچانی تہا من ء ُ گر بیت ۔
