پشاور۔9مارچ (اے پی پی): جنین آدمانی میاں اوستمانی روچءِ مو ہ ءَ ٹرانس بی آر ٹی ءِ نیمگءَ چہ وتی جنین آدم سٹاف ء ُ مسافرآنی دلبڈی ءِ ھاترءَ حاسیں گامگیج کنگ بوتگ۔ ٹرانس پشاور ءِ جارچین صدف کامل ءَ گشتگ کہ جنین آدمانی میاں اوستمانی روچءِ موہ ءَ بی آر ٹی ءِ بازیں سٹیشن آں زالبول مسافر آناں سوگات دیئگ بوتگ ء ُ اے موہ ءَ زوکارڈ ءِ سروس ءِ بندات ءَ پدا پشاور ءَ پبلک ٹرانسپورٹ ءِ سرءَ سفر کنوکیں زالبولانی شرح 2 درسد ءَ چہ گیش بوتگ ء ُ 25 درسد بوتگ۔ آئیءَ گشتگ کہ بی آ ر ٹی زالبول مسافر آناں محفوظ ء ُ آسوگیں سفری آسراتی دیئگ ءَ اِنت ء ُ زوکارڈ بی آر ٹی ءِ اولی دلگوشیانی تہا ہوار اِنت۔ آئی ءَ گشتگ کہ ادارگ جنین آدم ملازم ء ُ مردین آدم ملازم آناں ہم کچیں برابری ءِ حک ء ُ دیمروئی ءِ موہ دنت۔
