اسلام آباد۔8مارچ (اے پی پی): ماحولیاتی مٹء ُبدلی ءِ بنجاہی وزیر سینیٹر شیری رحمان ءَ گشتگ کہ جنین آدماناں آئین ء ُ کانود ءِ ردءَ آیانی حق بہ رساں، تنکہ آ سماجی مقاشی ردءَ زند ءَ گوازینت بہ کن اَنت، جنین آدمانی کار، محنت ، کوشست ء ُ سوبمندیاناں دلبڈی ءِ ضلورت اِنت۔ زالبولانی میاں اوستمانی روچءِ درگتءَ وتی کلوہ ء ِ تہا آئی ءَ گشتگ کہ زالبولانی روچءِ در گتءَ پاکستان ءِ جرات مندیں، محنتی ء ُ بہادریں جنین آدماں ہوار سرجمیں دنیاءِ جنین آدماناں دادء ُ سلام پیش کناں ۔ شیری رحمان ءَ گشتگ کہ مئے جنین آدم حاندانی نظام، چاگرد، ملکء ُ معیشت ءَ ہوار زندءِ ہمک پڑءَ باز ارزشت مندیں بہر اِت، سرجمں ملک ءِ جنین آدماناں جانء ُ سلامتی، وانگ ءُ زانگ ء ُ ایندگہ بنکی آسراتی بہ رساں۔ آئیءَ گشتگ کہ مرچی مئے جنین آدم گیش نا بلکیں وتی انسانی ، آئینی ء ُ کانودی حکانی لوٹ ءَ کنگءَ اَنت، اے روچ زالبولانی ”جدوجہد“ ءِ روچ اِنت، منی درائیں مردماناں گوں دزبندی اِنت کہ اے روچءِ ہوالگءَ کستء ُ کینگ ماکن اَنت۔ بنجاہی وزیرءَ گشتگ کہ جنین آدمانی کار، محنت ، کوشست ء ُ سوبمندیاناں دلبڈی دیئگ بہ بیت۔
