اسلام آباد۔8مارچ (اے پی پی): حال ء ُ اھیوال کاری ءُ شنگکاریءِ بنجاہی وزیر مریم اورنگزیب ءَ گشتگ کہ جنین آدمانی میاں اوستمانی روچ جنین آدمانی حکانی رکینگ ءِ جزم ءِ تنا روچ ناایں بلکیں یک لوگے ءَ را حاندان، چاگردءَرا مات ، گہار، جنک ء ُ لوگی وڑیں سیادیءَ چہ جوڑ کنوکیں زالبولانی قربانی، ازمت ءُ وفا آناں منگ ءِ ہم روچ اِنت۔ جنین آدمانی میاں اوستمانی روچءِ موہ ءَ چارشمبے ءِ روچءَ وتی ٹویٹءِتہا آئی ءَ جنین آدماناں سلام پیش کتگ ء ُ گشتگ کہ ہمک لوگءَ جنکاناں ہم کچیں حک دیئگءَ چہ دیمروئی بیت۔ زالبولانی میاں اوستمانی روچءِ درگتءَ ہما ماتء ُ پت، راہ د ربر آناں ہم سلام پیش کناں کہ آ وتی جنک ءُ بچکانی تہا ایچ تپاوت ناکناں ء ُ آیاناں دیم ءَ رؤگءَ کمک کناں۔ حال ء ُ اھیوال کاری ءِ بنجاہی وزیرءَ گشتگ کہ یک جنکے ءِ وانگ ء ُ زانگ نسل آنی دیمروئی اِنت، یک جان ءُ سلامتیں اوست مندیں جنکے ءَ چہ یک جان ء ُ سلامتیں ءُ اوست مندیں ءُ شرپمندیں راجے جوڑ بیت۔
