اسلام آباد۔8مارچ (اے پی پی): راجی اسمبلی ءِ راجہ پرویز اشرف ءَ سرجمیں ملک ءِ جنین آدماناں دادء ُ سلام پیش کتگء ُ گشتگ کہ جنین آدمانی عزت ء ُ شرپ ءَ مئے درستانی عزتء ُ شرپ اِنت، ہما چاگرد دیمروئی کنت کہ آ چاگردءِ جنین آدم محفوظ بہ بنت۔ آ چارشمبے ءِ روچءَ جنین آدمانی میاں اوستمانی روچءِ موہ ءَ پارلیمانی وویمن کاکس ءِ چیردستی ءَ بوتگیں مراگشءَگوں تران کنان ءَ کتگ۔ راجی اسمبلی ءِ اسپیکر ءَ گشتگ کہ پاکستان ءِ بہادریں جنین آدماناں گندگءَ پھر مارگ ءَ اَنت۔ مرچی سرجمیں دنیاءَ جنین آدمانی میاں اوستمانی روچءَ گوازینگ ءَ اَنت۔ پارلیمان میں قائم وویمن کاکس ءِ کرد باز ارزشت دار یت۔ پیپلز پارٹی ءِ کارء ُ کردءَ گہتر کنگءَ جنین آدمانی کرد اِنت۔ آئیءَ گشتگ کہ منی ھاترءَ اے پھر ءِ گپ اِنت کہ منی سیاسی تربیت بانک بینظیر بھٹو ءَ کتگ۔ پاکستان پیپلز پارٹی ءَ جنین آدماناں وت واک کنگءَ درساں چہ گیش کرد پیلو کتگ۔ راج دپتر مئے جنین آدمانی بے مٹیں ہمراہ داری ءَ چہ پُر اَنت۔ پاکستانی جنین آدماں ہمک پڑءَ وتی ہمراہ داری ءَ چہ وتی پجار جوڑ کتگ۔ من ءَ وشی بوت کہ مزن گسءَ مئے مزن گسی کاکس ءِ کرد باز جوان بوتگ۔
