اسلام آباد۔8مارچ (اے پی پی): مزن وزیر ءِ ورناہ پِڑ ءِ حاسیں کمک کار شزہ فاطمہ خواجہ ءَ گشتگ کہ پاکستانی زالبول ملک ء ُ راج ءِ دیمروئی ءِ تہا حاسیں کرد اَنت، سیاسی پڑ بہ بیت یا کجام ہم عملی پڑ پاکستانی زالبولاں بے مٹیں کرد پیلو کتگ۔ چارشمبے ءِ روچءَ زالبولانی میاں اوستمانی روچءِ موہ ءَ وتی کلوہ ءِ تہا آئیءَ گشتگ کہ ملک ءِ درائیں بہادریں ء ُ زانت کاریں جنین آدماناں جنین آمانی میاں اوستمانی روچءَ مراد بات پیش کناں۔ پرائم منسٹرز یوتھ پروگرام ءِ ردءَ جنین آدماں دیمءَ رؤگءِ ہم کچیں موہ دیئگ ءِ ھاترءَ کوٹہ ایر کنگ بوتگ۔ آئیءَ گشتگ کہ “گرلزلر ن گرلزارن ” پروگرام ءِ ردءَ یوتھ پروگرام ءِ درائیں گامگیجانی تہا جنین آماناں گیش دلگوشی دیئگ ءِ جزم کنگ بوتگ۔ بے شک ملک ءِ ناتُرسیں جنک بازیں جیڑہ ء ُ جنجالانی دیمپانی کنگ ءَ اَنت۔ پاکستان ءِ بہادریں جنک درائیں چیلنج آناں گرء ُ دار کنگءِ وس ء ُ واک ءَ داراں۔ اُمیت کناں کہ ملک ءَ آ روچ زوت بیا آں۔ وہدے کہ مارا جنین آدمانی حاسیں کوٹہ ءِ ضلورت مابیت۔
