مزن  وزیر  محمد  شہباز شریف  ءِ   پنت ءُ شون   ءِ پد ءَ  گران   بھائی  ءِ  آماچیں   الس  آنی  واستہ  ٹوھیں  رمضان پیکج  تیار،  مپت   آرت  پجاری   کنگ  بیت

لاہور۔7مارچ  (اے پی پی): مزن  وزیر   محمد   شہباز شریف   ءِ  پنت ءُ  شون  ءِ پد ءَ  حکومت ءِ   پنجاپ  ءَ گران  بھائی  ءِ ستائینتگیں   گریبیں   الس آنی واستہ   ٹوھیں رمضان    پیکیج  ءِ  تیار  کتگ  ایشی  ءِ چیر دستی ءَ  گریبیں  گس آناں  مپت ءَ آرت   پجاری  کنگ  بیت۔   اے پیسلہ  سئے شمبے ءَ  مزن وزیر   ءِ سروکی ءَ  پنجاپ ل ءَ رمضان  پیکج  ءِ چیر دستی ءَ مفت ءَ آرت  ءِ پجاری  ءِ واستہ  چار ءُ تپاسی  دیوان  ءَ  کنگ بوتگ۔  اولی رنگ ءَ گریبیں مردم   آناں   مپت ءَ  آرت ءِ پجاری کنگ ءِ  اے اولی   پیکیج  انت  ایش  مزن  وزیر  ءِ  داتگیں پنت ءُ شون  ءِ   پد ء تیار  کنگ بوتگ ۔  اولی  بھر ءَ صوبہ  ءِ پنجاپ  ءَ  گریبیں  مردم آناں ھاسیں رمضان  پیکیج   ءِ چیر  دستی  ءَ آرت  پجاری  کنگ بیت۔  مزن وزیر  ءَ  گریبیں  گس آناں رمضان  پیکیج   ءِ چیر دستی ءَ آرت  ءِ پجاری  ءَ  ٹوھیں  گامگیج   سرجم  کنگ ءِ  پنت ءُ شون   کنان ءَ  گوشت کہ ماہ ءِ رمضان    ءَ   روچگیں مردم آناں  گیشاں  چہ  گیش  ریلیف  دیگ  بہ بیت۔   مزن وزیر  ءَ پنت ءُ شون  کت  کہ پنجاپ   ماڈل   ءِ  نیمگ ءَ   سرجمیں ملک ءَ رمضان  پیکیج     ءَ چہ گریبیں  مردم آنی  واستہ  کمک  پجالری ءَ  بنجاھ     صوبگ  آناں  ھمک  رنگیں  کمک  پجاری  کنت۔  دیوان ءَ  چ چیف  سیکرٹری پنجاپ  زاہد  اختر  زمان  ءُ سیکرٹری  ھزانگ  مجاہد  شیر   دل  ءَ رمضان   پیکیج  ءِ ھوالگ ءَ  مزن وزیر ءَ را   بریفنگ  دات۔ نگران  سر وزیر  پنجاپ  سید محسن  رضا  نقوی  ءَ ابید سیکرٹری  فوڈ  ءُ ایندگر   ٹوھیں    ٹوھیں   کارندہ   دیوان ءَ   شریک اتنت۔