کورونا دین انا 30 پوسکن ءُ کیس رپورٹ، 08 ناجوڑ آتا حالیت نازرک ءِ، قومی ادارہ جان جوڑی

اسلام آباد۔ 07 مارچ (اے پی پی) قومی ادارہ جان جوڑی (این آئی ایچ ) پارینے کہ مچ آ ملک اٹی تدوک آ 24 گھنٹہ ٹی کورونا دین انا 30 پوسکن ءُ کیس رپورٹ مسنے ہرافتیان 08 ناجوڑ آتا حالیت نازرک ءِ۔ سے شنبے نادے آ این آئی ایچ نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی 2 ہزار 229 کورونا ٹیسٹ کننگا ہرافتیان 30 بندغ آتا ٹیسٹ مثبت بس ، ہندا وڑ دا مد اٹی کورونا ٹیسٹ انا مثبت کچ 1.35 درسد ئسک۔ داکان بیدس داوخت آ کورونا دین آن اسہ ناجوڑ اس  ہم زوال کتنے وخت اس کہ 08 ناجوڑ آتا حالیت نازرک ءِ۔ تدوک آ 24 گھنٹہ ٹی مچ آ ملک انا شار تیٹی کروک آ کورونا ٹیسٹ آتیان اسلام آباد اٹی 173 ٹیسٹ کننگا ہرافتیان 6 بندغ آتا ٹیسٹ مثبت بس و ہموڑے کچ 3.47 درسد ئسک، ہندا وڑ لاہور اٹی 435 ٹیسٹ آتیان 6 ٹیسٹ مثبت و کچ 1.38 درسد ئسک وخت اس کہ ملتان اٹی کروک آ 114 ٹیسٹ آتیان اسہ ٹیسٹ اس مثبت بس و ہموڑے کچ 0.88 درسد ئسک۔