کورونا دین انا 50 پوسکن ءُ کیس رپورٹ، 10 ناجوڑ آتا حالیت نازرک ءِ، قومی ادارہ جان جوڑی

اسلام آباد۔ 06 مارچ (اے پی پی) قومی ادارہ جان جوڑی (این آئی ایچ ) پارینے کہ مچ آ ملک اٹی 24 گھنٹہ ٹی کورونا دین انا 50 پوسکن ءُ کیس رپورٹ مسنے ہرافتیان 10 ناجوڑ آتا حالیت نازرک ءِ۔ دوشنبے نادے آ این آئی ایچ نا کنڈآن جاری حساب  و کتاب نا رداٹ مچ آ ملک اٹی 24 گھنٹہ ٹی 4 ہزار 472 کورونا ٹیسٹ کننگا ہرافتیان 50 بندغ آتا ٹیسٹ مثبت بس، ہندا وڑ دا مد اٹی کورونا ٹیسٹ نا مثبت کچ 1.12 درسد ئسک۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت  اس کہ 10 ناجوڑ آتا حالیت نازرک ءِ۔