بلاول بھٹو زرداری نا پنی آ اداکار محمد قوی خان نا کزیت آ ہڑزخواہی

کراچی۔ 06 مارچ (اے پی پی) پاکستان پیپلزپارٹی نا چیئرمین و وزیر خارجہ بلاول بھٹو زرداری پنی آ اداکار محمد قوی خان نا کزیت آ ڈکھیائی نا درشانی ءِ کرے۔ میڈیا سیل بلاول ہاؤس نا کنڈآن جاری بیان نا رداٹ بلاول بھٹو زرداری ہڑزخواہی کلہو اٹی پارے کہ قوی خان نا کزیت آن دنیائے فن نا اسہ عہد اس چٹا، قومی خان ایماندار تینا فن انا سوب آن مدام زندہ سلک۔ بلاول بھٹو زرداری پارے کہ دعاکیوہ، اللہ تعالیٰ ایماندار ءِ جنت الفردوس اٹی بڑز ہند اس عطاکے۔ اوپارے کہ پدسلوک آ خاہوت نا غم اٹی بریبر نا شریک اُٹ، اللہ تعالیٰ اوفتے صبر و جمیل عطاکے۔ چیئرمین بلاول بھٹو زرداری قوی خان ایماندار نا پرستار آتون ہم ہڑزخواہی نا درشانی ءِ کرینے۔