کوئٹہ۔ 06 مارچ (اے پی پی)وزیراعلیٰ بلوچستان میر عبدالقدوس بزنجو سبی نا خڑک بلوچستان کانسٹیبلری نا گاڈی نا خڑک بمب دھماکہ نا مذمت ءِ کرسا دھماکہ ٹی کارندہ غاتا شہیدی و ٹھپی مننگ آ ڈکھیائی و است ہسونی نا درشانی ءِ کرینے۔ داڑے جاری مروک اسہ بیان اسے ٹی وزیراعلیٰ پارے کہ دہشت گرد آک لغوری کارروائی تے اٹ ناپاک مسخت آتے دوئی کننگ خوارہ و بدامنی و نزوری ودی …
وزیراعلیٰ بلوچستان میر عبدالقدوس بزنجو نا بلوچستان کانسٹیبلری نا گاڈی نا خڑک بمب دھماکہ نا مذمت
گیشتریں ھال
کوئٹہ۔ 06 مارچ (اے پی پی)وزیراعلیٰ بلوچستان میر عبدالقدوس بزنجو سبی نا خڑک بلوچستان کانسٹیبلری نا گاڈی نا خڑک بمب دھماکہ نا مذمت ءِ کرسا دھماکہ ٹی کارندہ غاتا شہیدی و ٹھپی مننگ آ ڈکھیائی و است ہسونی نا درشانی ءِ کرینے۔ داڑے جاری مروک اسہ بیان اسے ٹی وزیراعلیٰ پارے کہ دہشت گرد آک لغوری کارروائی تے اٹ ناپاک مسخت آتے دوئی کننگ خوارہ و بدامنی و نزوری ودی کرسا بلوچستان ءِ پسماندہ تخنگ نا سازش کننگ انگ ءِ داوڑنا غٹ سازش آتے الس نا مخ تفی اٹ بے سہب کننگک۔ وزیراعلیٰ شہید کارندہ غاتا خاہوت آتون ہڑزخواہی و ہمدردی نا درشانی ءِ کرے۔ وزیراعلیٰ پارے کہ الس نا جان و مال و ملک انا رکھ اکن جان تے ندر کروک آک قوم انا ہیروک ءُ شہیدآتا قربانیک زیان مفسہ۔ اودعا کرے کہ اللہ تعالیٰ شہید آتا درجہ غاتا بڑزی و خاہوت ءِ صبر و جمیل عطاکے۔ اوٹھپی مروک آتا زوت دراخ جوڑی کن ہم دعا کرے۔
