کوئٹہ، صوبائی وزیر داخلہ میر ضیاء اللہ لانگو نا سبی ٹی گاڈی آ جلہو نا واقعہ نا مذمت، آئی جی بلوچستان آن رپورٹ بٹنگا

کوئٹہ۔ 06 مارچ (اے پی پی)صوبائی وزیر داخلہ میرضیاء اللہ لانگو سبی نا علاقہ ٹی بی سی نا گاڈی آ جلہو نا مذمت ءِ کرسا آئی جی بلوچستان آن واقعہ نا رپورٹ ءِ بٹنگا۔ داڑے جاری مروک اسہ بیان اسے ٹی وزیرداخلہ میر ضیاء لانگو انتظامیہ ءِ بمب دھماکہ نا ٹھپی تے طبی آسراتی فراوان کننگ نا پارت ککرے۔ اوپارے کہ صوبائی حکومت دہشت گردی نا چٹفنگ کن فورس آتا کاریم نا کچ ءِ ودفنگ اٹ پورو کمک کیک۔ اوپارے کہ لغوری نا کارروائی تیان صوبہ نا امن ءِ نسخان تننگ نا ہر کوشست بے سہب مریک۔ وزیرداخلہ پارے کہ شہید آتے مچ آ قوم سلام پیش کیک۔ اودھماکہ ٹی شہید مروک آ کارندہ غاتا خاہوت تون ہڑزخواہی و ٹھپی تا زوت دراخ جوڑی کن دعا کرے۔