پاکستان  کم دیمروئی کنوکیں ملک آنی وشھالی ءِگامگیج دوحہ  پلان  آف ایکشن   ءِ  پد ءُ رندی  ءِ    واستہ  جزمیگ  انت،  مزن وزیر محمد  شہباز شریف

دوحہ۔6مارچ  (اے پی پی):مزن وزیر  محمد  شہباز شریف  ءَ گوشتگ کہ پاکستان ل کم دیمروئی کنوکیں ملک  آنی وشھالی  ءِ گامگیج  دوحہ پلان   آف ایکشن  ءِ پد ءُ رندی  ءِ واستہ  جزمیگ  انت، کم دیمروئی کنوکیں ملک آنی الس  آنی  دیمروئی  ءِ واستہ یکجائی  گامگیج  کنگ  لو ٹ ائیت،  کم دیمروئی کنوکیں ملک آنی الس   آنی دیمروئی  ءِ واستہ  ھواریں  گامگیج المی انت۔  کم  دیمروئی کنوکیں ملک آنی واستہ   وام   ءِ شرط   ءَ را آسان  کنگ بہ بیت،  الس  ءَ را    چاگردی رکھینگ  ءُ جدید  ٹیکنالوجی   ءَ تاں   آسانی      ءَ رسائی  دل یکیمی جوڑ کنگ  بہ بیت۔ اے ھیالانی درشانی   آئی  ءَ   دوحہ  ءَ  یونائیٹڈ  نیشن ءِ   بست  ءُ  بند  کتگیں  کم دیمروئی  والائیں ملک آنی کانفرنس  ءَ گوں  گشتانک  دیان ءَ کت۔   مزن وزیر ءَ کانفرنس  ءِ بنت ءُبست  کنگ ءَ را  وشیں   گپ ءِ نامینت  ءُ گوشت کہ  گتر ءِ نیمگ ءَ چہ اے کانفرنس ءِ برجائی ءَ را  ساڑا کناں۔  مزن وزیر ءَ گوشت کہ پاکستان ءُ گتر   ءِ نیام ءَ  کوھنیں    ءُ جوانیں   یکوئی است انت۔ آئیءَ گوشت کہ کم دیمروئی  کنوکیں ملک آنی  مھکمیں دیمروئی  ءِ واستہ کانفرنس  ءِ برجائی  وھد ءُ موہ ءِ سر ءَ  انت۔  آئیءَ گوشت کہ ماحولیاتی  مٹ ءُبدلی رند  پد آں  کم دیمروئی کنوکیں  ملک آناں باز  تاوان داتگ۔   مارا  یکجاہ  بوھگ ءُ   کم دیمروئی کنوکیں  ملک آنی الس آناں دیمروئی  دیگ ءِواستہ گامگیج  کنگ لوٹ ائیت۔     سرجمیں دگنیا ءَ مردم آنی مزنیں کساس  ءِ  گریبی  ءُ  وردن ءُ وراک  ءِڈکالی ءِ  آماچ انت۔  مزن وزیر ءَ گوشت  کہ پاکستان چاگردی   ءُ اقتصادی  دیمروئی ءِ واستہ اے فورم  ءَ را گیشاں چہ گیش  کمک ءَ کنت، پاکستان  اے فورم ءَ ھوار  توامیں  ارزشتی ایں   فورمز آنی سر ءَ کم دیمروئی کنوکیں ملک آنی گوانک   ءَ را  سہرا  کنت۔   آئی ءَ گوشت کہ کم  دیمروئی کنوکیں ملک آنی واستہ ویکسین    ءِپجاری ءَ را  دل یکیمی  جوڑ کنگ  بہ بیت، آئیءَ شور   ءُ سلاھ داست  کہ  کم  دیمروئی کنوکیں  ملک آنی واستہ  وام ءِ شرط آناں  آسان  کنگ لوٹ ائیت  ءُ الس آناں   چاگردی  رکھینگ   ءِ   پجاری  دل یکیمی  کنگ لوٹ   ائیت۔  آئیءَ گوشت کہ کم دیمروئی کنوکیں ملک آناں جدید  ٹیکنالوجی   ءَ تاں  پجاری ءَ   آسان  جوڑ کنگ ءَ   زور  دیان ءَ گوشت کہ ٹیکانلوجی  ءُ  علم   ءُ زانت دیمروئیءَ    ارزشتی ایں کرد  پیلو   کت کنت۔  مزن وزیر ءَ گوشت کہ پاکستان دوحہ  پروگرام  آف ایکشن  ءِبرجائی ءَ را  گیشاں  چہ گیش کمک کنت ءُ اے رد ءَ     جوانیں کرد ءِ  پیلو  کنت۔  مزن وزیر ءَ گوشت کہ اے پروگرام  ءِ  سیم سر  آنی در  جنگ ءِ وا ستہ  مھکمیں   گامگیج کنگ لوٹ  ائیت۔  مزن وزیر  ءَ دوحہ  پلان آف ایکشن  2031   ءَ ساڑاھان ءَ گوشت کہ  پاکستان دوحہ پروگرام  آف ایکشن   ءِ  بست ءُ بند  ءِ کمک  ءَ کنت   ءُ اے رد ءَ   جوانیں  کرد  ءِ  پیلو  کنت۔  مزن وزیر  ءَ گوشتگ کہ  اے پروگرام  ءِ سیم  سر آنی در  جنگ ءِ واستہ  مھکمیں گامگیج  کنگ لوٹ ائیت۔  آئی  ءَ فیفا   مقابلہ آنی بست ءُ بند   ءَ چہ پد  کانفرنس  ءِ   جوانیں انتظامی  ءِ پد ءَ امیر   گتر  ءَ را  مبارک  بات  دات۔