مزن وزیر  شہباز شریف  ءُ امیر  گتر  شیخ  تمیم  بن حمد آل  ثانی   ءَ گوں گند ءُ  نند، دوئیں  ملک آنی  نیام ءَ معاشی  ءُ سرمایہ کاری ءُ کمک آناں گیش  ودینگ ءِ کار رپک آنی  ھوالگ ءَ   ھیال ریچی

دوحہ ۔5مارچ  (اے پی پی):مزن وزیر  شہباز شریف  ءُ امیر گتر  شیخ  تمیم  بن حمد آل   ثانی  ءَ دو نیمگی   وت مہ وتی   سیت آنی  دراج بریں  کار ءُ  دوئیں ملک آنی  نیام ءَ معاشی  ءُ سرمایہ  کاری    ءَ ھوار  ایندگر  شوبگ آنی   تہ ءَ  کمک آناں ودینگ ءِ واستہ   کار رپک آنی   بابت ءَ  ھیال ریچی  کت۔  گند ءُ نند ءِ ساھت ءَ گتر  ءِ  گوما   دو نیمگی یکوئی آناں  مھکم جوڑ   کنگ ءُ دو نیمگی سرمایہ کاری، تجارتی  ءُپاکستان  ءَ  چہ  بلدکاریں مردم آناں  گتر ءَ  برآمد  کنگ ءِکار رپک   ءُ  رسانک در آناں  ودینگ ءِ سر ءَ   گپ ءُ تران  کنگ بوت۔    یک شمبے   ءَ   مزن وزیر کارگس  ءِ پریس  ونگ ءِ  نیمگ ءَ جاڑی بوتگیں  بیان ءِ رد ءَ  مزن وزیر  محمد  شہباز شریف  ءَ دو حہ  ءَ پجگ  ءِ  پد ءَ امیر گتر   شیخ  تمیم  بن حمد  آل  ثانی   ءَ گوں گند ءُ  نند کت۔  مزن وزیر شہباز شریف   یونائیٹڈ  نیشن  ءِ   بند ءُ بست  کتگیں کم دیمروئی کنوکیں ملک آنی ل کانفرنس  ءِ پنچمی  دیونا ءَ  بھر  زوری ءِ  واستہ  گتر ءَ پج اتگ۔  امیر گتر   ءِداتگیں دعوت ءِپد ءَ مزن وزیر  اے کانفرنس  ءَ  شرکت  کنگ ءَ انت۔   مزن  وزیر  محمد  شہباز شریف   ءُ شیخ  تمیم  بن حمد آل   ثانی  ءَ دو نیمگی  وت مہوتی سیت آنی دراج بریں    کار آنی  ھوالگ ءَ ھیال  ریچی  کت ءُ پاکستان ءُ  گتر ءِ نیام ءَ معاشی   ءُ سرمایہکاری  ءَ ھوار  ایندگر شوبگ  آنی    تہ ءَ دو نیمگی  کار آنی ودینگ   ءِ  کار رپک آنی سر ءَ ھیال ریچی  کت۔ امیر  گتر  ءِ   دیمروئی ءَ پاکستانی   مزور  آنی  کوشست آناں ساڑات۔   ءُ ھاسیں رنگ ءَ گتر ءِ میزبانی  ءَ فیفا ورلڈ  کپ  2022  ءِ کامیاتی ءَ گوں  برجائی ءِ موہ ءَ پاکستانی  سیکورٹی  کارندہ آنی   ازمت ءَ را  ساڑات۔  گند ءُ نند ءَ  مزن وزیر شہباز شریف ءَ پاکستان ءِ  دیمروئی ءِ منصوبگ  آنی  تہءَ گتر ءِ  یک شلی ءَ گوں کمک  آناں ساڑات  ءُ  دوئیں ملک آنی  نیام ءَ کمک آناں ودینگ ءِ    پراھ  ءُ شاھیگانیں   موہ آناں سہرا کت۔  امیر  گتر ءَ  مزن وزیر  شہباز شریف  ءَ  را گتر     ءَ آیگ ءِ پد ءَ وش  اتک  کت۔  آئی ءَ پاکستان   ءُ گتر    ءِ نیام ءَ معاشی   کمک  آناں  ودینگ ءِ پد ءَ  جھلانکیں    واھشت    آنی درشان  کت۔ آئیءَ پاکستان  ءِ دیمروئی ءَ ایجنڈا   آنی تہءَ گتر  ءِ نیمگ ءَ  گیشاں  چہ گیش کمک    پکوئیں  جزم ءُ  کمک جاڑی  دارگ  ءِ درشان  کت۔   مزن وزیر   ءَ امیر گتر     ءَ را   پاکستان ءِ تر ءُ تاب  کنگ ءِ دعوت  دات ،  ایشرا  آئی ءَ  قبول  ھم  کت۔