مزن وزیر  محمد شہباز شریف ءَ گوں گتر  انویسٹمنٹ  اتھارٹی  ءِ  سی ای  او  ءِ گند  ءُ نند،  مزن وزیر    ءِ  گتری  سرمایہ کار  آناں  پاکستانی   حکومت  ءِسرمایہ کاری  دوستیں  پالیشی  آں چہ سیت چست  کنگ ءِ  دعوت

اسلام آباد۔5مارچ  (اے پی پی): مزن وزیر  محمد شہباز شریف   ءَ  گتری  سرمایہ کار ی  دوستیں  پالیشی  آں چہ سیت  چست  کنگ ءِدعوت   دات ءُ گوشت کہ  دوئیں ملک  وتی   اقتصادی  یکوئی آناں  مھکم جوڑ    کنگ ءُ گتر  ءِ ویژن   2030  ءِ  رد ڈءَ آیوکیں  باندات  ءَ   ایشاناں  گیش  مھکم   جوڑ  کنگ ءِ  واستہ یکجائی  ءَکار  کنگ ءِ واستہ   اوست ایگ انت۔  یک شمبے ءِ روچ  ءَ مزن وزیر کارگس  ءِ پریس  ونگ  ءِ  نیمگ ءَ جاڑی بوتگیں  بیان ءِ رد ءَ گتر  انویسٹمنٹ  اتھارٹی  ءِ   سی ای او منصور  ابراہیم  المحمود  ءَ دوحہ  ءَ  مزن وزیر  محمد  شہباز شریف ءَ گوں گند ءُ نند  کت ایشی ءِ تہ ءَ پاکستان   معیشت     ءَ را  جتا جتائیں  شوبگ آنی  تہءَ    سرمایہ  کاری  ءِجتا جتائیں  شور ءُ  سلاھ   آنی  ھوالگ ءَ ھیال ریچی  کنگ بوت۔  گند ءُ نند ءِ ساھت ءَ پاکستان  ءِ ھاٹیگ   ءُ  بنیاتی کوکار  ءِ شوبگ  ءَ  سرمایہ کاری  ءِموہ آنی  ھوالگ ءَ  چمشانک دات۔  یات دارگ بہ بیت کہ اگست  2022   ءَ مزن وزیر    ءِ گتر ءِ   تر ءُ تاب   ءِ ساھت  ءَ   دوئیں پریک  آںی نیام ءَ سرجمیں  گپ ءُ تران  آنی بنگیج  بوت۔  گتر   انویسٹمنٹ  اتھارٹی  ءَ پاکستان  ءَ ایل این جی  پاور پلانٹس،  ائیر پورٹس  ءُ سولر پاور پارکس  آنی تہءَ سرمایہ کاری  ءَ جھلانکیں   واھگ آنی    درشان  کت۔  منصور ابراہیم المحمود   ءَ گتر   ءُپاکستان    ءِ نیام ءَ دو نیمگی  تجارت  ءُ سرمایہ کاری  ءِ ارزشت  ءِ ھوالگ ءَ ھم  مزن وزیر  ءَ    گوں  تپاک  کت  ءُ دو نیمگی اقتصادی  یکوئی آناں  مھکم  جوڑ  کنگ ءِ   واھشت   ءِ درشان  کت۔   مزن وزیر   ء پاکستان  ءِ گوما  اقتصادی  شوبگ آنی   تہ  ءَ  کمک  آناں   ودینگ   ءَ  واھشت آنی  پد  ءَ   آئی ءِ شگر ءُ منت واری  گپت  ءُ  گتری  سرمایہکار آناں  پاکستانی حکومت ءِ سرمایہ کاری  دوستیں پالیشی  آں  چہ سیت  چست  کنگ ءِ دعوت   دات۔  دوئیں ملک  وتی اقتصادی  یکوئی آناں  مھکم جوڑ   کنگ ءُ گتر  ءِ ویژن  2023  ءِ رد ءَ  آیوکیں باندات  ءَ   ایشاناں  گیش  پزور ءُ مھکم کنگ ءِواستہ یکجائی  ء کار  کنگ ءِ واستہ  جزمیگ  آں۔