اسلام آباد۔4مارچ (اے پی پی): مزن وزیر محمد شہباز شریف 5 ءُ 6 مارچ ءَ گتر ءَ برجم بوھوکیں کم دیمروئی کنوکیں ملک ایل ڈی سیز ءِ ھوالگ ءَ یونائیٹڈ نیشن ءِ پنچمی کانفرنس ءَ بھر زوری کت۔ مزن وزیر ءَ را گتر ءِ تر ءُ تاب ءِ دعوت گتر ءِ امیر ءِ نیمگ ءَ دیگ بوتگ۔ ترجمان درئی کارانی کارگس ءِ نیمگ ءَ شمبے ءِ روچ ءَ جاڑی کتگیں جار ءِ رد ءَ کانفرنس ءِ برجائی 5 ءَ تاں 9 مارچ 2023 ءَ بیت ایشی ءِ تہ ءَ کم دیمروئی کنوکیں ملک ءَ مھکمیں دیمروئی ءِ ودینگ ءِ گامگیج آنی چار ءُ تپاسی گپت۔ میاں اوستمانی سروک کمکی کاروائی آناں گشاد کن انت۔ تانکہ اے ملک آناں وشھالی ءِ کشت ءَ رھادگ کنگ بہ بیت۔ وتی تر ءُ تاب ءِ ساھت ءَ کانفرنس ءَ بھر زوری ءَ ابید مزن وزیر محمد شہباز شریف دوحہ ءَ جتا جتائیں میاں اوستمانی سروک ، ڈل آنی سروک آں گوں گند ءُ نند ھم کنت۔ کانفرنس ءَ میاں اوستمانی سروک کم دیمروئی کنوکیں ملک آنی کمک ءِ ھوالگ ءَ میاں اوستمانی کمک آنی دیروئی گامگیج آنی چار ءُ تپاسی ءَ گپت ایشانی تہ ءَ دیمروئی شریکدسار آنی نیمگ ءَ چہ تپاک کنگ بوت۔ پاکستان یونائیٹڈ نیشن ءِ پلیٹ فارم ءِ سر ءَ میاں اوستمانی تک ءَ مھکمیں دیمروئی ءِ گامگیج آنی ھوالگ ءَ ارزشتی ایں کرد پیلو کنگ ءَ انت۔
