اسلام آباد۔5مارچ (اے پی پی): مزن وزیر محمد شہباز شریف دو روچی تر ءُ تاب ءِ ھاترا گتر ءَ پج اتگ۔ مزن وزیر یونائیٹڈ نیشن ءِ کانفرنس ءَ بھر زوری کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں جار ءِ رد ءَ دیمروئی کنوکیں ملک آنی کانفرنس ءِ اے پنچمی دیوان انت۔ کانفرنس 5 مارچ ءَ چہ دوحہ ءَ بندات بیت۔
امیر گتر کانفرنس ءَ شریک مملکت آنی سروک ءُ مزن وزیر ءِ شرپ ءَ وش اتکی دیوان ھم بیت۔ مزن وزیر محمد شہباز شریف امیر گتر ءِ وش اتکی دیوان ءَ بھر زوری کنت۔ مزن وزیر 6 مارچ ءَ کانفرنس ءِ دیوان ءَ گشتانک ھم کنت۔
