اسلام آباد۔5مارچ (اے پی پی): مزن وزیر محمد شہباز شریف ءَ گوشتگ کہ درستاں چہ کم دیمروئی کنوکیں ملک موسمی مٹ ءُ بدلی، ھوپ ءُ نادراھی آں چہ وردن ءُ وراک ءُ ھا ٹیگ ءِ پجاری ءِ رد ءَ جیوا اسٹریٹیجک پینگ آں چہ سک باز آماچ بوتگ۔ یک شمبے ءِ روچ ءَ وتی ٹویٹ ءَ مزن وزیر محمد شہباز شریف ءَ گوشتگ کہ گتر ءِ امیر وتی برات شیخ تمیم بن حمد الثانی ءِ داتگیں دعوت ءِ پد ءَ یونائیٹڈ نیشن ءِ کم دیمروئی کنوکیں ملک آنی 5 پنچمی کانفرنس (LDCs) ءَ بھر زوری ءِ واستہ انوں ددوحہ ءَ پج اتگ۔ آئی ءَ گوشتگ کہ ایشیا ءُ افریقہ ءَ ایل ڈی سیز ءِ استیں چاگردی ءُ اقتصادی جیڈھ آنی بابت ءَ پاکستان ءِ لیکہ آنی بابت ءَ سرپد کناں۔ مزن وزیر ءَ گیش تران کت ءُ گوشت کہ درستاں چہ کم دیمروئی کنوکیں ملک موسمی مٹ ءُ بدلی ، ھوپ ءُ نادراھی ءَ چہ پد وردن ءُ وراک ءُ ھاٹیگ ءِ پجاری ءِ رد ءَ جیواسٹریٹیجک پینگ آں چہ سک باز آماچ بوتگ انت ءُ اے میاں اوستمانی واکیہ آں ایشاناں گیر محفوظ کتگ۔ آئی ءَ گوشت کہ الس ءِ گہبود ءَ را پبلک پالیسی ءِ بنجاھ جوڑ بوھان ءَ ایل ٖڈی سیز ءَ را گہتر یں ازمت کنگ بوت کنت۔
