اسلام آباد۔ 03 مارچ (اے پی پی) وزیراعظم محمد شہباز شریف بھارہ کہو بائی پاس فلائی اوور نا تفنگ اٹی شکست نا سخت نوٹس ءِ ہلسا انکوائری کمیٹی اس جوڑ کرے۔ جمعہ نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم پنچ شنبے نادے آ پیش بروک آ شکست نا انکوائری کن کمیٹی اس جوڑ کرینے۔ مسکوہی سیکرٹری داخلہ شاہد خان نا کماشی ٹی انکوائری کمیٹی دا شکست نا ہرپلو آن جاچ ءِ ہلیک۔ کمیٹی ءِ ہلہلہ ئی بنداو تیا انکوائری رپورٹ اس مرتب کرسا وزیراعظم ءِ پیش کننگ نا پارت کننگانے۔ وزیراعظم پارے کہ بھارت کہو ڈٹ اٹی لاپرواہی ءِ سگپنہ۔
