ایف آئی اے غیرکانودی وڑاٹ پاکستانی تے پیشن نا ملک آ گدریفنگ و کشتی شکست اٹی اوار سجفوک گینگ انا 2 دوبہ دار آتے دزگیر کرے

اسلام آباد۔ 02 مارچ (اے پی پی) بنجائی جاست وپاستی ادارہ (ایف آئی اے) غیرکانودی وڑاٹ پاکستانی تے پیشن نا ملک آ گدریفنگ و کشتی شکست اٹی اوار منظم گینگ انا 2 دوبہ دارآتے دزگیر کرے۔ دزگیر دوبہ دار آتیٹی راجہ راحیل و سفیان اوار ءُ ہرافتا تعلق گجرات آن ءِ۔ ایف آئی اے دوبہ دار آتے کھاریاں غان دزگیر کرے۔ است ہسون واقعہ غان مست دوبہ دار آک لیبیا کشتی شکست نا گواچی بندغ آتا خاہوت آتیان پیسہ ہلکرہ۔ دوبہ دار آک ہلوک آ پیسہ غاتے گینگ انا سرغنہ ءِ ٹرانسفر کریرہ۔ دوبہ دار آک پیسہ غاتا ہلنگ آن پد بروک آ مزل نا تعین ءِ کریرہ۔ دوبہ دار آتا دزگیری کن پوسکن آوسیلہ غاتے کاریم اٹ اتنگا۔ ڈائریکٹر جنرل ایف آئی اے ہم تدوک آ دے نوٹس ہلسا انسانی اسمگلر آتا برخلاف سخت کارروائی نا پرمان کریسس۔ دوبہ دار آتے دزگیر کرسا جاست وپاست نا بناءِ کننگانے وخت اس کہ ایلو دوبہ دار آتا دزگیری کن چھاپہ خلنگ انگ ءِ۔