بنجائی دارالحکومت اٹی ہفت می آبادی و ہاؤسنگ مردم شماری نا بناء

اسلام آباد۔ 01 مارچ (اے پی پی) بنجائی دارالحکومت اسلام آباد اٹی ہفت می آبادی و ہاؤسنگ مردم شماری بناکرے۔ ضلعی انتظامیہ نا ترجمان ڈاکٹر عبداللہ تبسم ’’اے پی پی‘‘ ءِ پارے کہ مردم شماری کن 873 شمار کنندگان تے 1783 بلاک آتیٹی اہم سروے کننگ نا کاریم ءِ تننگانے۔ اوپارے کہ دا بابت ڈپٹی کمشنر اسلام آباد عرفان نواز میمن اسلام آباد نا چندی یونین کونسل آتیٹی مردم شماری کن دیوان اس اڈتسر۔ دیوان اٹی بست وبند آتا جاچ ءِ ہلنگا۔ اوپارے کہ مردم شماری اسہ پدریسہ ءُ سرگرمی اسے ہرا ’’پالیسی سازی و وسیلہ غاتا بشخنگ اٹ اہم ءِ‘‘۔ اوپارے کہ دا آبادی نا کچ انا اسہ بنداوی وڑوڈول اسے ہراڑان دارالحکومت اٹی ڈٹ بندی و شونداری کن اہم ڈیٹا فراوان کننگ نا گمان ءِ۔ داکان بیدس ، ڈپٹی کمشنر شاری تیان خواست کرینے کہ او مردم شماری نا سروے نا سرسہبی ءِ پک کننگ کن مردم شماری نا کارندہ غاتے سہی معلومداری فراوان کیر۔