مزن وزیر  محمد  شہباز شریف ءَ گوں ایشیائی  دیمروئی بینک ءِ ایگزیکٹو ڈائریکٹر  آنی  ڈل ءَ گوں  گند ءُ نند

اسلام آباد۔28فروری  (اے پی پی): مزن وزیر  محمد  شہباز شریف  ءَ امیت  سہرا  کت  کہ ایشیائی دیمروئی بینک  اے  ڈی بی  معاشی جیڈھ آں گوں گر ءُ چیل  بوھگ ءِ واستہ پاکستان   ءِ گوما وتی  مھکمیں  شریکداری  جاڑی   کنت،  آءی  ایم ایف  پروگرام  ءِ  چیر دستی ءَ  9   چار ءُ تپاسی    آیوکیں  روچانی تہءَ  سرجم  بوھگ ءِ امیت انت، پاکستان پروگرام   ءَ  مندوگر  بوتگیں   گہتری  کار  آناں سرجم  کنگ ءِ واستہ  جزمیگ  انت۔ اے  ھیالانی درشانی  آئیءَ چین،  جاپان  ءُ زر باری کوریا  ءِ ایشیائی دیمروئی بینک ءِ ایگزیکٹو  ڈائریکٹرز ءِ ڈل ءَ را   سرجمیں  تران  کت  ایشی ءَ سئے  شمبے  ءَ ادا آئیءَ گوں گند ءُ نند کت۔ اے ڈی  بی  ءِ ڈل ءَ  را   وش اتک  کنان ءَ مزن وزیر ءَ پاکستان ءِ گوما اے ڈی بی ءِ کوھنیں     نزیکی  ءُ  یکوئی  ءُ پاکستان ءِ چاگردی  ءُ اقتصادی  دیمروئی ءَ  یک   جوانیں شریکدار  رے  بوھگ   ءِ پد ءَ  شگر ءُ منت واری  گپت۔ مزن وزیر   ءَ  2022  ءِ سیلاپ  ءِ رد ءَ اے ڈی  بی ءَ را  گوں پھکیں دل ءَ   کمک   کنگ ءِ پد ءَ   توسیپ ل کت۔ اے   زوتیں  کمکی  گرانٹ،   سیلاپ ءُ ھار ءَ چہ پد  ضلورت آنی اندازگ  جنگ  ءُ جنیوا ءَ کلائیمیٹ ریزیلیئنس کانفرنس  ءِ ساھت ءَ کتگیں  کولءُ کرار  ھوار اتنت۔  مزن وزیر ءَ پاکستان ءِ ارزشتی ایں  اقتصادی شوبگ   ھواریں   ٹرانسپورٹ،  ھاٹیگ،  موسمی  مٹ ءُ بدلی ءُ  چاگردی  شوبگ ءَ اے ڈی بی ءِ سرمایہ کاری  ءَ را ساڑات۔   آئیءَ   امیت  سہرا  کت  کہ اے ڈی  بی  ملک ءِ معاشی  جیڈھ آں گوں گر ءُ چیل  بوھگ ءِ واستہ پاکستان ءِ  گوما   وتی  مھکمیں  شریکداری   آناں جاڑی   دار ائیت۔  ڈل ءَ را   گوشگ  بوت کہ  آئی ایم ایف  پروگرام   ءِ  چیر دستی ءَ  9 نہمی  چار  ءُ تپاسی  آیوکیں  لستیں  روچاں اوست  کنگ بوھگ ءَ انت  کہ ایش   دیم ءَ جنزگ ءَ اَنت۔