کمو کٹ کنوکیں  ھاندان آنی زھگ آناں مپت ءَ  ءُ  جوانیں  وانگ ءُ زانگ ءِ   پجاری    ءِ  بنگیج  کنگ  بوتگ،   مزن وزیر  شہباز شریف

اسلام آباد۔28فروری  (اے پی پی): مزن وزیر  محمد  شہباز شریف ءَ گوشتگ کہ   کمو  کٹ  کنوکیں ھاندان  آنی  زھگ   آناں مپت ءَ   زانشت  ءِ  پجاری   ءِ بنگیج  کنگ بوتگ۔ سئے  شمبے ءَ وتی ٹویٹ ءَ  مزن وزیر   شہباز شریف ءَ گوشتگ کہ آءیءَ مرچی  بنجاھی  دارالحکومت  ءُ  ایشی ءِ  کش ءُ کرانی  واستہ  سکول   آن  ویلز  وڑیں  یک جتائیں   منصوبگ ءِ بندات  کتگ  ایشی ءِ سبب ءَ کم  کٹ  کنوکیں ھاندان  آنی  چک آناں مپت ءَ   جوانیں  زانشت  ءِ   پجاری  بیت۔   مزن وزیر ءَ گوشت کہ  ترندیں   ءُ  گیش  بوھوکیں  ملکی  آباتی  ءِ  جیڈھ  آنی گیواری  ءِ واستہ مارا  ھمک  شوبگ  ءَ   اے رنگیں  جتائیں  منصوبگ  ءِ ضلورت  انت،  اے موبائل  سکول  کمو  ھرچ ءُ درچ   ءَ چہ  جوانیں سکول  وڑیں  زانشت  پجاری کنگ ءِ    ازم  ءَ دار ائیت۔   آئی ءَ گوشت کہ  اے  منصوبگ  ءِ چیر دستی ءَ  بس آنی کساس ءَ   زوت  8  ءَ چہ  گیش بوھان ءَ  16 کنگ  بیت۔