تحریم الہی ء ُ ایندگہ آنی حلاپ ءَ منی لانڈرنگ مقدمہ  ہلاس کنگءِ دزبندی آنی سرءَ کیس ءِ گوشدارگ  یک ماہے ءِ ھاترءَ مھتل

لاہور۔28فروری  (اے پی پی):لاہور ہائیکورٹ  ءَ مسلم لیگ(ن) ءِ  راہشون ء ُ پیسرگیں بنجاہی وزیر چوہدری مونس  الہی ءِ  لوگی تحریم الہی ء ُ ایندگہ مردمانی حلاپ ءَ منی لانڈرنگ ءِ مقدمہ ہلاس کنگ ءِ  دزبندی آنی سرءَ کیس ءِ گوشدارگ یک ماہے ءِ ھاترءَ مھتل کتگ۔ سئے شمبے ءِ روچءَ  جسٹس شہرام سرور نے تحریم الہی ءَ ہوار ایندگہ دزبندی آنی سرءَ کیس ءِ گوشدارگ بندات کتگ گڑا  دزبندی کنوکانی وکیل امجد پرویز سپریم کورٹءَ  دزگٹ بوہگءِ سوب ءَ پیش نابوتگ۔ وکیل ءِ نیمگءَچہ  کیس ءِ  گوشداتگ مھتل کنگءِ  دزبندی کنگ بوتگ کہ  ایشی ءِ سرءَ آمید گسءَ  کیس ءِ  گوشدارگ یک ماہ ءِ تہا متھل کتگ۔ دزبندی ءِ تہا گشگ بوتگ کہ لاہور ہائیکورٹ ایشی ءَ چہ پیسر ایف آئی اے ءِ منی لانڈرنگ مقدمہ ہلا س کتگ، نوں ایف آئی اے ءِحلاپ ءَ کانود ء ُ  ہائیکورٹ ءِ پیسلہ ءِ ابید ہم تحقیقات کنگ ءَ اِنت، ایف آئی اے ءَرا نبشتہ کتگ ء ُ پسو جم کتگ ، دزبندی اِنت کہ منی لانڈنگ ءِ مقدمہ ہلاس کنگ  بہ بیت۔