زھگاناں وانگ ء ُ زانگ دیئگءَ  ابید ملک دیمروئی کُت ناکنت، دورء ُ دراجیں دمگاں وانگء ُ  زانگ ءِ   گیش کنگءِ ھاترءَ ” سکول آن ویلز  ” ءِ منصوبہ حاسیں کرد  پیلو کُت کنت، مزن وزیر محمدشہباز شریف

اسلام آباد۔28فروری  (اے پی پی): مزن وزیر محمد شہباز شریف ءَ گشتگ کہ زھگاناں وانگ ء ُ زانگ دیئگءَ  ابید ملک دیمروئی کُت ناکنت، دورء ُ دراجیں دمگاں وانگء ُ  زانگ ءِ   گیش کنگءِ ھاترءَ ” سکول آن ویلز  ” ءِ منصوبہ حاسیں کرد  پیلو کُت کنت۔ اے ھیالانی درشانی آئیءَ  سئے شمبے ءِ روچءَ سکول آن ویلز  منصوبہ ءِ   بُنگیج ءِ موہ ءَ گپء ُتران کنان ءَ کتگ۔ اے موہ ءَ وانگء ُ زانگءِ بنجاہی وزیر رانا تنویر حسین ء ُ ایندگہ ہم ساڑی بوتگ اَنت۔ اے منصوبہ ءِردءَ بنداتی ءَ 8 بسانی سکول آن ویلز منصوبہ اسلام آباد ء ُ کشء ُ کِر ءِ زھگاناں موبائل سکول آنی وسیلگءَ  تعلیم دنت۔  مزن وزیر ءَ  سکول آن ویلز منصوبہ ءَ را ساڑاتگ ء ُ  گشتگ کہ اے منصوبہ ءَ چہ کوچگاں  زھگاناں وانگء ُ زانگ رسیت۔ مزن وزیر ءَ گشتگ کہ اے منصوبہ ءَ را چاریں صوبہ ہوار گلگت بلتستان ء ُ آزاد کشمیر ءَ  شنگ کنگءِ تپاسی کنگ بہ بیت۔ ایشی ءَ چہ مستریں ء ُ دگہ راجی ازمت بوت ناکنت۔ مزن وزیر ءَ گشتگ کہ آ اے منصوبہ ء ِ بندات کنگ ءَ دل ءِ  جہلانکءَچہ مراد  بات پیش کنت۔ مزن وزیرءَ اے موہ ءَ حاس ڈیزائن کتگیں بس  آنی چارء ُ تپاسی کتگ ء ُ  راہ دربر ء ُ نودربرآں گوں ہم گندء ُنندکتگ۔ مزن وزیر ءَ موبائل لائبریری ءِمنصوبگ ءَ را ہم ساڑاگ ء ُ گشتگ کہ ایشی ءَچ ہ دور دراج ءِ دمگانی زھگاناں لوگءِدپءَ لائبریری ءِ آسراتی دست کپیت۔  مزن وزیر اے موہ ءَ               زھگانی گوما گندءُ نند کتگ ء ُ آیانی جستانی پسو  داتگ اَنت۔