"گھڑیال دُز، امبار ءِ دُز ساڑی بہ بیت ” ءِ توار جنگ بوہگءَ اِنت، بلے عمران خان بیگواہ اِنت، حال ء ُ اھیوال کاریء ُ شنگکاری ءِ بنجاہی وزیر اورنگزیب

اسلام آباد۔28فروری  (اے پی پی): حال ء  اھیوال کاری ء ُ شنگکاری ءِ بنجاہی وزیر مریم اورنگزیب ءَ  گشتگ کہ "گھڑیال دُز، امبار ءِ دُز ساڑی بہ بیت "ءِ توار جنگ بوہگءَ اِنت بلے عمران خان بیگواہ اِنت،  عمران خان اگاں  پیش نابوت گڑا دزگیر کنگ بہ بیت، بندی  جاہ پُر کنگ ءِ شوق ہم پیلو بیت۔ سئے شمبے ءِ روچءَ وتی بیان ءِ تہا آئی ءَ گشتگ کہ آمید گس جست کنگءَ اِنت کہ ملزم کجا ایں؟ پسو رستگ کہ ” وہدءَ گشت ناکناں” آمید گس جست کنگءَ اِنت کہ ملزم کجام وہدءَ  پیش بیت ، پسو رستگ کہ ” عمران خان ءَگوں  گپ بوہگءَ ناایں” آمید گس گھڑیال دُز ءِ پیش بوہگءِ  جست ءَ اِنت  کہ تاں انگت پیش نابوتگ، فارن ایجنٹ ضمانت کنگ ءَ بینکنگ کورٹ ءِ سرءَ مہربانی کنگ ءَ اِنت، امبار ءِ کیس ءِ تہا  جرم ثابت بوہگی اِنت آ ھودہ چہ ہم اے جستگ ء ُ بیگواہ اِنت، واہ بھی واہ۔ مریم اورنگزیب ءَ  گشتگ  کہ  نواز شریف جنک ءِ ہمراہ ہمک روچءَ آمید گس ءَ پیش بوتگ گڑا عمران خان ، بشریٰ بی بی ء ُ  فرح گوگی ءِ گوما چیا پیش بوت ناکنت؟ عمران خان  دیست! وہد آیگ ءَ پسو وت دیئگ لوٹ ایت ، بشریٰ ء ُ گوگی ءَ ہم ہمراہ داری  یل کتگ۔ آئیءَ گشتگ کہ گھڑیال دُز ء ُ فارن ایجنٹ تچک ءَ  بندی  جاہ امید گس  یا تچک ءَ  آمید گس ءَ  رؤت۔ گھڑیال دُز فارن ایجنٹ پسو بدے کہ  امبار چیا دُز اِتگ؟ خانہ کعبہ ءِ گھڑیال چیا بہا کتگ اَنت؟ بشریٰ بی بی ءَ  امبار ءِ ہیرہ ءِ  گواری چیا بہا کتگ؟ آمید گس ءَ پیش  ببو ء ُ پسو بدے۔ آئی ءَ  گشتگ کہ فارن ایجنٹ پسو بدے کہ حیرات ءِ پیسہ سیاست ءِ سرءَ چیا حرچ کتگ اَنت ؟ وتی  ملازم آنی نجی اکاؤنٹ آناں منی لانڈرنگ ءِ ھاترءَ  چیا کارمرز کتگ ؟ شوکت خانم نادراہ ءِ حیراتءِ  پیسہ پرائیویٹ   ہاؤسنگ سوسائٹی ءَ سرءَ چیا جتگ اَنت؟ ووٹن کرکٹ کلب ءَ چہ لکھاں ڈالر چیا زُرتگ؟ حیرات ءِ  پیسہ سیاست ءَ چیا حرچ کتگ ؟ فارن فنڈنگ ملک ءِ حلاپ ءَ چیا کارمر ز کتگ؟ ۔