اسلام آباد۔27فروری (اے پی پی):پاکستان مسلم لیگ (ن) ءِ جارچین مریم اورنگزیب ءَگشتگ کہ مسلم لیگ (ن) ءِ سینئر نائب صدر ءُ چیف آرگنائزر مریم نواز مرچی ( دوشمبے) ءِ روچءَ ساہیوال ءِ دو روچی ترء ُتاب ءَ کنت ء ُ تنظیمی کنونشن ءَگوں تران ہم کنت۔ دوشمبےءِ روچءَ وتی بیان ءِ تہا مریم اورنگزیب ءَ گشتگ کہ مریم نواز ءِ سروکی ءَ باندا ( 28 فروری) ءَ ساہیوال ء َ تنظیمی دیوان بیت۔ دیوان ءَ پارٹی ءِ ہندی صدر ء ُ جنرل سیکریٹری ہوار بنت۔ آئی ءَگشتگ کہ دیوان ءَ پارٹی ءِ تنظیمی ڈھانچہ ء ُ کارءُ کرد ءِ چارء ُتپاسی کنگ بیت۔ مریم نواز سوشل میڈیا ، جنین آدم ء ُیوتھ ونگ ءِ عہدگ داراں گوں گندء ُ نند ہم کنت۔ زانگ بہ بیت کہ مریم نواز ءَ یکم فروری ءَ چہ تنظیمی ترء ُتابانی بندات کتگ بوتگ، آ ئی ءَ بہاولپور، ملتان، ایبٹ آباد، اسلام آباد، راولپنڈی ء ُسرگودھا ڈویژن آنی ترء ُتاب کتگ اَنت۔
