اسلام آباد۔27فروری (اے پی پی): حال ءُ اھیوال کاری ء ُ شنگکاری ءِ بنجاہی وزیر مریم اورنگزیب ءَگشتگ کہ عمران خان ءِ اے بھتان کنڈ بوتگ کہ سرپانک حکومت ساپ ءُ سلہ ایں ءُ دربازی ءِ گچین کاری کنائینت ناکنت، 2018 ءَ این اے 193 ءَ مسلم لیگ (ن) ءِ ایچ گچین کاری اُمیت وار نابوتگ، گوستگیں روچ ءَ اولی رندءَ اے حلقہ ءِ تہا 53 ہزار ووٹ گپتگ کہ ایشی ءِ سرءَ ما ووٹرآنی شکرءُمنتءَ گراں کہ آیاں مسلم لیگ(ن) ءِ سرءَ اوست کتگ۔ دوشمبے ءِ روچءَ وتی ٹویٹ ءِ تہا آئی ءَ گشتگ کہ دیما بچار اِت کہ چے بیت، گھڑیال دُز باج ببراں گڑا مراگش کناں اگاں پروش بواراں گڑا لیکشن کمیشن ءِ ڈن ءَ دھرنا ء ُ بھتان۔ عمرا ن خان ءِ بھتان کنڈ بوتگ کہ سرپانک حکومت ساپءُ سلاہ ء ُ دربازی ءِ گچین کا ری کُت ناکنت۔ حال ء ُ اھوال کاری ءُ شنگکاری ءِ بنجاہی وزیرءَ گشتگ کہ اے مزنیں سوبمندی اِنت کہ اے وت عمران خان ءَ من اِتگ۔ آئی ءَ گشتگ کہ یک سیٹے ءِ ووٹ ءَچہ آمید گسءَرا تنچ اَنت، دھمکی ءُ زاہ بد کنے ؟ پیسلہ اگاں شمے حق ءَ نابوت گڑا شمے حلاپءَ میاں اوستمانی پندل چیف جسٹس ءَ سر بیت۔ آئی ءَ گشتگ کہ اُلس ملک ءِ تہا انصاف لوٹاں، لیکہ ءِ ضلورت نااِنت۔
