کوئٹہ۔ 27 فروری (اے پی پی) بلوچستان نا علاقہ ہرنائی ٹی نادرست بند غ آتا سم کاری آن 4 کانڑ کن زوال وخت اس کہ 3 ٹھپی مسر۔ لیویز حوالی نا رداٹ دوشنبے نادے آ بلوچستان نا علاقہ ہرنائی خوست کوئل مائنز ایریاٹی نادرست سلہہ بند بندغ آک کولا نا کانڑ اٹی کاریم کروک آ کانڑ کن آتا ڈیرہ غا اناگت سم کاری کریر ہراڑان 4 کانڑ کن زوال و 3 ٹھپی مسر۔ زوال کروک آتا درستی راستی نورخان، عبدالحنان ، سید حنان ، عبدالرحمان نا پن تے اٹ مس وخت اس کہ ٹھپی مروک آتیٹی شیرزمان ، سید اکرم و باز محمد اوار ءُ۔ لاش و ٹھپی مروک آتے دمدستی وڑاٹ خوست ہسپتال آ گدریفنگانے۔ سلہہ بند بندغ آک کولا نا کانڑتے خاخر ترسا 11 کولاکانڑآتے ہشار۔
