کوئٹہ۔ 27 فروری (اے پی پی) وزیراعلیٰ بلوچستان میر عبدالقدوس بزنجو خوست اٹی کانڑکن آتیا سم کاری نا واقعہ نا مذمت ءِ کرے۔ اومذمتی بیان اٹی پارے کہ غریب و بے قصور خواری کش آتے خلوک آک انسان پاننگ نا لائق افس داوڑنا نفرت نا قابل عمل اٹ اوار زموار آک سخت سزا نا حقدار ءُ۔ اوپارے کہ دنیا نا اسہ مذہب و راج اس ہم بے گناہ بندغ آتا دتر ءِ وہیفنگ نا موکل تفک۔ اوانتظامیہ ءِ مائننگ نا علاقہ غاتیٹی سیکورٹی ءِ پین سخت کننگ و دہشت گردی نا بدترین واقعہ ٹی اوار زموار آتا دزگیری کن غٹ وسیلہ غاتے کاریم اٹ اتنگ نا پارت کرے۔ وزیراعلیٰ بلوچستان میر عبدالقدوس بزنجو زوال کروک کانڑ کن آتا خاہوت آتون ہڑزخواہی و ہمدردی نا درشانی ءِ کرسا پارے کہ حکومت خاہوت آتا پبی کمک ءِ کیک۔ اوایماندار تا بخشش و خاہوت آتیکن صبر و جمیل نا دعا کرے۔
