کوئٹہ۔ 27 فروری (اے پی پی) قائم مقام گورنر بلوچستان میر جان محمد جمالی بلوچستان نا علاقہ خوست اٹی کولا کانڑ کن آتیا سم کاری نا واقعہ نا مذمت ءِ کرینے۔ اوواقعہ غا است ہسونی نا درشانی ءِ کرسا پارے کہ خواری کش کانڑ کن آک تینا خاہوت نا ولفوک آک مریرہ و اوفتا کزیت آن مچ آ خاہوت زہمی مریک۔ اوکانود نافذ کروک آ ادارہ غاتیا زور شاغا کہ او دہشت گردی نا واقعہ ٹی اوار زموار آتے زوت آن زوت دزگیر کننگ کن غٹ دوئی وسیلہ غاتے کاریم اٹ اتنگے۔
