انقرہ۔ 27 فروری (اے پی پی) ترک حکومت 6 فروری آ بروک آ زمی جمب اٹی تموک آ ماڑی تا جاست وپاست نا دنگ ءِ ودفسا ٹھیکیدار ، مالک و سرکاری کمامدارآتون اوار 184 بندغ آتے دزگیر کرے۔ برطانوی خبررساں ادارہ نا رداٹ ترک حکومت جاست وپاست اٹی 600 بندغ آتے جاست وپاست اٹ اوار کرینے۔ ترکیہ نا جسٹس منسٹر بیکر بزداگ پارینے کہ 184 دوبہ دار آتے حراست اٹ ہلنگانے ہرافتے ٹی دا ماڑی تے تفوک آ ٹھیکیدار و اوفتا مالک آک اوار ءُ۔ ترک کمامدارآک 2 ہفتہ مست پاریسر کہ 113 بندغ نا دزگیری نا وارنٹ جاری کننگانے۔ ترک میڈیا نا رداٹ داتم اسکان ہرابندغ آتے دزگیر کننگانے اوفتے ٹی اسہ شار اسے نا میئر ہم اوار ءِ۔ ترکیہ ٹی زمی جمب آن ہزار آ بندغ آک زوال و کم و ود اسہ لکھ 60 ہزار ماڑی تے پورو یا جزوی نسخان رسینگا و کیہی ماڑی پورو وڑاٹ بھس مسنو۔
