کوئٹہ۔26فروری (اے پی پی):بلوچستان ءِ دمگ بارکھان ءَ موٹر سائیکل ءِ سر ءَ پٹ بوتگیں بمب ءِ ترکگ ءِ سبب ءَ 4 مردم بیران وھدیکہ 12 ٹپیگ بوتگ انت پولیس ءِ رد ءَ رکھنی بازار ءَ ہوٹل ءِ دیم ءَ بمب ترکگ ءِ سبب ءَ یک شمبے ءِ روچ ءَ وھد یکہ بازار رش ات ھمے ساھت ءَ تراک بوت۔ تراک انچو ٹوھینے ات کہ سرجمیں بازار جیسک ات۔ پولیس ءِ رد ءَ تراک ءَ چہ پد زوتاں زوت پولیس ءِ کارندہ آں بازار ءَ را چپ ءُ چاگرد کت ءُ پٹ ءُ پول بندات کت۔ پولیس ءَ ٹپیگ ءُ بیران بوتگیں مردم آناں نادراھ جاہ ءَ روان دات انت۔ تراک ءَ چہ 3 مردم ھمے ساھت ءَ بیران بوت ءُ یک ءِ کمو رند تر بیران بوت۔ واکیہ ءَ دو جنکیں زھگ ءَ ھوار 12 مردم ٹپیگ بوتگ انت۔ ٹپیگ آنی تہءَ 5 کس سک باز ٹپیگ انت۔ ایشاناں گیش علاج ءِ واستہ نادراھ جاہ ءَ روان دیگ بوتگ۔ بنیاتی پٹ ءُ پول ءِ رد ءَ بمب موٹرسائیکل ءَ پٹ کنگ بوتگ ءُ رموٹ کنٹرول ءِ سر ءَ تراکینگ بوتگ۔
